ஆடை ஏற்றுமதி செயல்பாடுகள் குறித்த ஒன்றிணைந்த ஆடைச் சங்கங்களின் மன்றம் வெளியிட்டுள்ள அறிக்கை
Sri Lanka's apparel exports recorded a 5.2% growth in June 2025 compared to the same period last year, according to the Joint Apparel Association Forum.
editor
இலங்கையின் ஆடை ஏற்றுமதிகள், 2025 ஜூன் மாதத்தில் கடந்த ஆண்டின் இதே காலப்பகுதியுடன் ஒப்பிடுகையில் 5.2 % வளர்ச்சியடைந்துள்ளதாக ஒன்றிணைந்த ஆடைச் சங்கங்களின் மன்றம் தெரிவித்துள்ளது.
ஒன்றிணைந்த ஆடைச் சங்கங்களின் மன்றம் இது குறித்து மேலும் குறிப்பிடுகையில்,
2025 ஜூன் மாதத்தில் கடந்த ஆண்டின் இதே காலப்பகுதியுடன் ஒப்பிடுகையில் இலங்கையின் ஆடை ஏற்றுமதிகள் 5.2 வீதம் வளர்ச்சியடைந்துள்ளது.
ஐரோப்பிய ஒன்றியம் (+23.1%) மற்றும் இங்கிலாந்து (+20.4%) சந்தைகளில் குறிப்பிடத்தக்க வளர்ச்சி காணப்பட்ட போதிலும், அமெரிக்கா (-5.7%) மற்றும் பிற பிராந்தியங்களில் (-9.3%) ஏற்பட்ட வீழ்ச்சியை இது ஈடுசெய்துள்ளது.
2025 ஆம் ஆண்டின் முதல் ஆறு மாதங்களில் (ஜனவரி- ஜூன்), ஒட்டுமொத்த ஏற்றுமதி ஆண்டுக்கு ஆண்டு 8.95 வீதமாக அதிகரித்துள்ளது. ஐரோப்பிய ஒன்றியம் (+16.7%), அமெரிக்கா (+4.1%), இங்கிலாந்து (+6.4%) மற்றும் பிற சந்தைகள் (+8.9%) ஆகியவற்றின் வலுவான செயல்திறன் காரணமாக இந்த வளர்ச்சி ஏற்பட்டது.
ஒன்றிணைந்த ஆடைச் சங்கங்களின் மன்றம் (JAAF) இந்த புள்ளிவிவரங்கள் ஐரோப்பிய ஒன்றியம் மற்றும் இங்கிலாந்து போன்ற முக்கிய சந்தைகளில் ஊக்கமளிக்கும் வேகத்தைக் காட்டுவதாகத் தெரிவித்துள்ளது.
மூலோபாய பன்முகப்படுத்தல் மற்றும் இலங்கை ஆடைகள் மீதான வாங்குபவர்களின் தொடர்ச்சியான நம்பிக்கை ஆகியவற்றின் ஒத்துழைப்புடன், உலகளாவிய பொருளாதார சவால்களை இந்தத் துறை தொடர்ந்து சமாளித்து வருகின்றமை குறிப்பிடத்தக்கது.
