ජනශක්ති ෆිනෑන්ස් පී එල් සී 2026 මූල්ය වර්ෂයේ තුන්වන කාර්තුවේදී ශුද්ධ මෙහෙයුම් ආදායමේ 35% ක වර්ධනයක් සමඟින් රුපියල් මිලියන 389 ක බදු පෙර ආදායමක් වාර්තා කරයි
Janashakthi Finance PLC, a subsidiary of JXG, reported a profit before tax of LKR 389 million for Q3 FY2026, driven by a 35% increase in net operating income and strong growth across key lending segments.
editor
JXG (ජනශක්ති සමූහ ව්යාපාරය) හි අනුබද්ධ සමාගමක් වන ජනශක්ති ෆිනෑන්ස් පී එල් සී (මීට පෙර ඔරිඑන්ට් ෆිනෑන්ස් පී එල් සී), 2025 දෙසැම්බර් 31 දිනයෙන් අවසන් වූ මාස 9 ක කාලසීමාව තුළ ශක්තිමත් මූල්ය කාර්ය සාධනයක් වාර්තා කරගෙන තිබේ. සමාගමේ ප්රධාන ව්යාපාර අංශවල තිරසාර වර්ධනය, සැලසුම් විධිමත්ව ක්රියාවට නැංවීම සහ, පරිමාණය හා කාර්යක්ෂමතාව කෙරෙහි අඛණ්ඩව අවධානය යොමු කිරීම මීට ප්රධාන වශයෙන් හේතු වී ඇත.
"මෙම කාලපරිච්ඡේදය තුළ වාර්තා වී ඇති කාර්ය සාධනය අපගේ ක්රමෝපායික ප්රමුඛතාවන් හි පැහැදිලිකම සහ පාලන රාමුවේ ශක්තිය මැනැවින් පිළිබිඹු කරනවා. විශ්වාසයෙන් යුතුව ව්යාපාරය මෙහෙයවන ශක්තිමත් නායකත්වයක් සහිතව, සමාගමේ ලාභදායීත්වය අඛණ්ඩව පවත්වා ගනිමින් සහ පාර්ශ්වකරුවන්ගේ විශ්වාසය දිනාගනිමින්, දිගින් දිගටම වර්ධනය වීමට අපට හැකි වී තිබෙනවා." ජනශක්ති ෆිනෑන්ස් පී එල් සී සමාගමේ සභාපති රාජේන්ද්ර ත්යාගරාජා මහතා පැවසීය.
මෙම සමාලෝචනයට අදාළ කාලපරිච්ඡේදය තුළදී සමාගමේ බදු පෙර ලාභය පෙර වසරේ අදාළ කාලසීමාවට සාපේක්ෂව 39% කින් ඉහළ ගොස් රුපියල් මිලියන 389 ක් ලෙස වාර්තා වී ඇත. මෙහෙයුම් ආදායම ඉහළ යාම සහ සේවා කළඹ පුළුල් වීම මීට ප්රධාන වශයෙන් හේතු වී තිබේ. තිරසාර ණය දීමේ ක්රියාකාරකම් සහ ව්යාපාර පරිමාණය පුළුල් වීම හේතුවෙන් සමාගමේ ශුද්ධ මෙහෙයුම් ආදායම පෙර වසරේ අදාළ කාලසීමාවට සාපේක්ෂව 35% කින් ඉහළ ගොස් රුපියල් බිලියන 2.2 ක් ලෙස වාර්තා වී ඇත. අදාළ කාලපරිච්ඡේදය තුළ සමාගමේ ශුද්ධ බදු පසු ලාභය රුපියල් මිලියන 240 ක් විය.
ප්රධාන ණය කාණ්ඩවල පැවති ඉල්ලුම සහ ඉලක්කගත වර්ධන වැඩසටහන් හේතුවෙන් සමාගමේ නිකුත් කළ ණය සහ අය විය යුතු ගෙවීම්වල සමස්ත වටිනාකම පෙර වසරේ අදාළ කාලසීමාවට සාපේක්ෂව 49% කින් ඉහළ ගොස් රුපියල් බිලියන 29 ක් ලෙස වාර්තා වී ඇත. අරමුදල් විවිධත්වය සහ පාරිභෝගික විශ්වාසය තවදුරටත් ශක්තිමත් කරමින් සමාගමේ තැන්පතු වටිනාකම රු. බිලියන 17 දක්වා ඉහළ ගොස් ඇති අතර, මෙය පෙර වසරේ අදාළ කාලසීමාවට සාපේක්ෂව 14% ක වර්ධනයකි.
මෙම කාලපරිච්ඡේදය තුළ වගකීම්සහගත ලෙස ණය දීම් ක්රියාවලිය පුළුල් කරමින් අරමුදල් පදනම ශක්තිමත් කරගැනීමට සහ මෙහෙයුම් ශක්යතාව වැඩිදියුණු කරගැනීමට අප අවධානය යොමු කළා. අපගේ මධ්යම කාලීන ක්රමෝපාය ක්රියාත්මක කිරීමට සහ වෙළඳපොළ අවස්ථාවන්ට ප්රතිචාර දැක්වීමට සමගාමීව ප්රධාන දර්ශක තුළ අප පෙන්නුම් කර ඇති මෙම වර්ධනය, සමාගමේ ශක්තියට මනා සාක්ෂියක්." ජනශක්ති ෆිනෑන්ස් පී එල් සී සමාගමේ ප්රධාන විධායක නිලධාරී සිදම්බරම් ශ්රී ගණේන්ද්රන් මහතා පැවසීය.
ඉදිරියටත් දූරදර්ශී අවදානම් කළමනාකරණය සහ පාරිභෝගික කේන්ද්රීය විසඳුම් මෙන්ම මානව සම්පත් හා තාක්ෂණික පදනම් වෙනුවෙන් සිදුකරන අඛණ්ඩ ආයෝජන ඔස්සේ තිරසාර වර්ධනයක් ළඟා කරගැනීම ජනශක්ති ෆිනෑන්ස් පී එල් සී සමාගමේ ඉලක්කය වී තිබේ. මෙම සාධනීය ප්රතිඵල ඔස්සේ ඉදිරියට යමින් සිය පාර්ශ්වකරුවන්ට අඛණ්ඩව වටිනාකම් හා ප්රතිලාභ පිරිනමන අතරම ගනුදෙනුකරුවන්ගේ වෙනස් වන අවශ්යතාවන්ට අනුකූල කාර්යක්ෂම සේවාවක් සැපයීමට සමාගම කැප වී සිටී.
ජනශක්ති ෆිනෑන්ස් පී එල් සී (මීට පෙර ඔරිඑන්ට් ෆිනෑන්ස් පී එල් සී) පිළිබඳව
ජනශක්ති ෆිනෑන්ස් පී එල් සී සමාගම සිය ගනුදෙනුකරුවන්ගේ අවශ්යතාවන්ට ගැළපෙන පරිදි ස්ථාවර තැන්පතු, ඉතුරුම් ගිණුම්, කල්බදු (ලීසිං), රන් ණය (උකස් සේවා), විකල්ප ,මූල්ය විසඳුම් සහ ආයතනික මූල්ය සේවා ඇතුළු විසඳුම් හා සේවාවන් රාශියක් පිරිනමයි. මෙරට මූල්ය සේවා ක්ෂේත්රය තුළ වසර 44 ක ශක්තිමත් හා ස්ථාවර උරුමයක් එම සමාගම සතුය. නවෝත්පාදනයට මුල් තැන දෙමින් ගනුදෙනුකරුවන්ට විශිෂ්ටතම මූල්ය විසඳුම් හා සේවා සම්පාදකයෙකු ලෙස ගනුදෙනුකරුවන් අතර විශාල පිළිගැනීමක් හිමි කර ගැනීමට ජනශක්ති ෆිනෑන්ස් පී එල් සී සමාගම සමත් වී ඇත. JXG (ජනශක්ති සමූහ ව්යාපාරය) හි අනුබද්ධ සමාගමක් වන ජනශක්ති ෆිනෑන්ස් පී එල් සී, ශ්රී ලංකා මහ බැංකුවේ බලපත්රලාභී සමාගමක් වන අතර, Lanka Rating Agency (LRA) වෙතින් BB+ (Positive Outlook) ශ්රේණිය හිමි කරගෙන තිබේ.
