Salesforce மற்றும் Anthropic இணைந்து Claudeforce மூலோபாய கூட்டாண்மையை அறிவித்தன

Salesforce மற்றும் Anthropic நிறுவனங்கள் Claudeforce தொடர்பில் அறிவித்துள்ளன. இது ஒரு விரிவாக்கப்பட்ட மூலோபாயரீதியான கூட்டாண்மையாகும். இது Claude- இன் நுண்ணறிவையும் பகுத்தறியும் திறனையும் Salesforce-இன் நம்பகமான நிறுவன ஒருங்கிணைப்புடன் ஒன்றிணைத்து, தரவு, பணிப்பாய்வுகள், வணிகத் தர்க்கம், செயல்பாடுகள் மற்றும் நிர்வாகத்தை பாதுகாப்பாக அணுகக்கூடியதாக ஆக்குகிறது.

இதன்மூலம், பணிகள் நடைபெறும் இடங்களிலெல்லாம் முகவர் சார்ந்த அனுபவங்களை மேம்படுத்த முடியும்.

இந்தக் கூட்டாண்மை, Salesforce in Claude என்ற Plugin உடன் தொடங்குகிறது. இது முன்பே கட்டமைக்கப்பட்ட 37 விற்பனைத் திறன்களைக் கொண்டுள்ளது. இது விற்பனையாளர்களையும்
முகவர்களையும் நிகழ்நேர வருவாய் சூழலைப் பற்றி பகுத்தறியவும், விற்பனை செயல்முறை விபரங்களை உடனுக்குடன் தானியக்கமாக்கவும், மற்றும் Claude இலிருந்து நேரடியாக நிர்வகிக்கப்பட்ட நடவடிக்கைகளை எடுக்கவும் உதவுகிறது. மேலும், Claude Salesforce மற்றும் Slack முழுவதும் கூடுதல் ஒருங்கிணைப்புகளை மேற்கொள்ளவும் இந்நிறுவனங்கள் திட்டமிட்டுள்ளன.

Salesforce in Claude ஆனது, AIforce-ஆல் இயக்கப்படுகிறது. இது Salesforce- இன் ஒரு நிறுவனக் கட்டமைப்பு ஆகும். இது சிக்கலான ஒருங்கிணைப்புகள் இல்லாமல், MCP சேர்வர்கள், API-கள் மற்றும் CLI கருவிகள் மூலம் வணிகத் தரவுகளையும் பணிப்பாய்வுகளையும் முகவர்களுடன் இணைக்கிறது.

இந்தக் கூட்டாண்மை Claude ஐ Salesforce க்குள்ளும் கொண்டுவருகிறது. அங்கு இது Agentforce இலும், Salesforce Trust Boundary க்குள் Amazon Bedrock வழியாகவும் கிடைக்கிறது. Claude ஆனது Slack இலும் உட்பொதிக்கப்பட்டுள்ளது, இது Slackbot, Claude Tag மற்றும் Slack Code ஆகியவற்றுக்குத் துணைபோகின்றது.

இந்த ஒத்துழைப்பு, செயற்கை நுண்ணறிவு பகுத்தறிவை நம்பகமான நிறுவனத் தரவுகளுடன் பாதுகாப்பாக இணைக்கிறது.

Salesforce in Claude, விற்பனையாளரின் வருவாய் சுழற்சியை மையமாகக் கொண்டு வடிவமைக்கப்பட்டுள்ளது. இதில் சந்திப்புத் தயாரிப்பு, ஒப்பந்த நிலை மதிப்பாய்வு மற்றும் செயலாக்கப் பணிகளின் மதிப்பாய்வு போன்ற திறன்கள் அடங்கும். செயல்பாடுகள் Salesforce வழியாக அனுப்பப்படுவதால், வணிக விதிகள் தொடர்ந்து அமுல்படுத்தப்படுகின்றன. நிர்வாகிகள் Salesforce in Claude ஐ ஒருமுறை இணைக்கிறார்கள், அதே நேரத்தில் அங்கீகாரம் மற்றும் அனுமதிகள் அணி முழுவதும் உள்ள விற்பனையாளர்களுக்காக மத்தியில் நிர்வகிக்கப்படுகின்றன.

Claude ஆனது Atlas Reasoning Engine க்கான ஒரு பகுத்தறிவு மாதிரியாகவும் செயல்படுகிறது, இயல்பாகவே Agentforce Vibes மற்றும் Agentforce Coworker க்கு ஆற்றலளிக்கிறது, மேலும் Agent Builder இலும் கிடைக்கிறது. Anthropic-இன் மாதிரியானது, நிறுவன AI வரிசைப்படுத்தல்கள் மற்றும் ஒழுங்குபடுத்தப்பட்ட தொழில்களுக்காக, பாதுகாப்பு மற்றும் புரிந்துகொள்ளும் தன்மையில் கவனம் செலுத்தும் ஒரு அணுகுமுறையுடன், பல-படி பகுத்தறிவு மற்றும் சிக்கலான பணிச் செயலாக்கத்தை ஒருங்கிணைக்கிறது.

Salesforce மற்றும் Anthropic ஆகியவை ஒன்றுக்கொன்று மூலோபாய வாடிக்கையாளர்கள். Salesforce in Claude தற்போது தேர்ந்தெடுக்கப்பட்ட பரீட்சார்த்த வாடிக்கையாளர்களுக்குக் கிடைக்கிறது, மேலும் இது செப்டெம்பர் 2026 இல் open beta நிலைக்குள் நுழையும் என்று எதிர்பார்க்கப்படுகிறது, கூடுதலாக முன்பே உருவாக்கப்பட்ட திறன்கள் 2026-இன் பிற்பகுதியில் வெளியிடப்படத் தொடங்கும்.