தென் கொரியாவில் மத சுதந்திரம் தொடர்பில் சர்வதேச அமைப்புகள் எச்சரிக்கை

சியோல், தென் கொரியா, 7 ஆவணி 2026 — எல்லைகளற்ற மனித உரிமைகள் அமைப்பு (HRWF), ஐக்கிய நாடுகள் சபையில் ECOSOC அந்தஸ்து பெற்ற CAP Liberté de Conscience (CAP LC), FOREF, CESNUR மற்றும் Bitter Winter ஆகிய அமைப்புகள் இணைந்து, தென் கொரியாவில் மத அல்லது நம்பிக்கை சுதந்திரம் மற்றும் கருத்துச் சுதந்திரம் குறித்த ஒரு செய்தியாளர் சந்திப்பை இன்று சியோல் வெளிநாட்டு செய்தியாளர் மன்றத்தில் நடத்தின.

விசாரணைக்கு முந்தைய தடுப்புக்காவலில் இருக்கிற வயதான மதத் தலைவர்கள் நடத்தப்படும் விதம் பற்றின கவலைகள், விகிதாசாரக் கேள்விகள், மனிதாபிமானக் கருத்தாய்வுகள் மற்றும் உரிய சட்ட நடைமுறை உள்ளிட்ட பிரச்சினைகள் விவாதிக்கப்பட்டன.

95 வயதான ஷின்ஷோன்ஜி  தலைவர் லீ மான்-ஹீயின் தடுப்புக்காவலை மறுபரிசீலனை செய்யுமாறும், குடும்பக் கூட்டமைப்பின் 83 வயதான திருமதி ஹக்-ஜா ஹான் மூன் உட்பட, மத சிறுபான்மையினருக்கான சட்ட மற்றும் நிர்வாக ரீதியான நடவடிக்கைகள் நடுநிலையாகவும், விகிதாசாரமாகவும், தென் கொரியாவின் சர்வதேச மனித உரிமைக் கடமைகளுக்கு இணக்கமாகவும் இருப்பதை உறுதி செய்யுமாறும் அந்த அமைப்புகள் தென் கொரிய அதிகாரிகளை வலியுறுத்தின.

இன்று விவாதிக்கப்பட்ட பிரச்சினைகள், தென் கொரியாவில் நிலவும் மத அல்லது நம்பிக்கை சுதந்திரம் தொடர்பான பரந்த அளவிலான கவலைகளின் ஒரு பகுதியாக அமைகின்றன. பூசானில் உள்ள செகெரோ சபை குறித்தும் கவலைகள் நீடித்து வருகின்றன; போதகர் சோன் ஹியூன்-போ தடுப்புக்காவலில் இருந்து விடுவிக்கப்பட்ட பின்னரும் கூட, அந்தத் சபை தொடர்ந்து துன்புறுத்தலையும் அதிகாரப்பூர்வ கண்காணிப்பையும் எதிர்கொண்டு வருவதாகக் கூறப்படுகிறது.

செய்தி அறிக்கைகளில் மனசாட்சியின் அடிப்படையில் எதிர்ப்பு தெரிவிக்கும் உரிமை (conscientious objection), தேகுவில் ஒரு பள்ளிவாசல் கட்டும் திட்டத்திற்கு எதிராக நிலவிய பொதுமக்களின் எதிர்ப்பு, மற்றும் கல்வி நிறுவனங்களில் மதம் சார்ந்த தேவைகளுக்கு ஏற்ப ஏற்பாடுகள் செய்வது குறித்தும் கேள்விகள் எழுப்பப்பட்டுள்ளன. கடந்த பல தசாப்தங்களாக, Human Rights Without Frontiers (HRWF) அமைப்பு, தென் கொரியாவில் மனசாட்சியின் அடிப்படையில் இராணுவ சேவைக்கு எதிர்ப்பு தெரிவித்ததற்காக நூற்றுக்கணக்கான யெகோவாவின் சாட்சிகள் (Jehovah’s Witnesses) சிறையில் அடைக்கப்பட்ட சம்பவங்களை ஆவணப்படுத்தி வந்துள்ளது.

பின்னர் மாற்று குடிமைப் பணிக்கான சேவை அறிமுகப்படுத்தப்பட்டாலும், அது உண்மையான உரிமைகளை மதிக்கும் மாற்று ஏற்பாடாக இல்லாமல், தண்டனைக்குரிய முறையில் நடைமுறைப்படுத்தப்பட்டுள்ளதாக விமர்சகர்கள் கூறுகின்றனர். குறிப்பாக, இந்த மாற்று சேவை சீர்திருத்த/திருத்தகால நிறுவனங்களில் 36 மாதங்கள் பணியாற்ற வேண்டும் என்ற நிபந்தனையைக் கொண்டுள்ளது. இது வழக்கமான இராணுவ சேவையின் காலத்தைவிட இரு மடங்கு நீளமானது என்பதால், இந்த விமர்சனம் முன்வைக்கப்படுகிறது. சமீபத்திய நீதிமன்றத் தீர்ப்புகளும், அரசியலமைப்புச் சட்டத்திற்கு எதிரானது என முன்வைக்கப்பட்ட சவால்களுக்கு எதிராக, இந்த முறையின் முக்கிய அம்சங்களை தொடர்ந்து செல்லுபடியாகும் என உறுதிப்படுத்தியுள்ளன.

மாநாட்டைத் தொடங்கி வைத்து உரையாற்றிய HRWF அமைப்பின் இணை இயக்குநரான ஹான்ஸ் நூட் , விவாதிக்கப்படும் பிரச்சினைகள் “ஜனநாயக சமூகத்தின் அடிப்படையிலேயே உள்ளவை” என்று கூறினார். மத சமூகங்கள் களங்கப்படுத்தப்படும்போதும், அமைதியான ஒன்றுகூடல்கள் கட்டுப்படுத்தப்படும்போதும், மாறுபட்ட கருத்துகள் கட்டுப்படுத்தப்பட வேண்டிய பிரச்சினையாகக் கருதப்படும்போதும், அதன் விளைவுகள் “ஒரு குறிப்பிட்ட குழு அல்லது ஒரு தனிப்பட்ட வழக்கைத் தாண்டியும் மிகப் பரந்த அளவில் இருக்கும்” என்று அவர் எச்சரித்தார்.

இந்த மாநாடு எந்தவொரு குறிப்பிட்ட இறையியலையோ அல்லது இயக்கத்தையோ பாதுகாப்பதற்கானது அல்ல என்றும், மாறாக “ஒரு கொள்கையைப் பாதுகாப்பதற்கானது: அடிப்படை உரிமைகள் அனைவருக்கும் சமமாகப் பொருந்த வேண்டும்” என்பதே அதன் நோக்கம் என்றும் அவர் கூறினார்.

CAP Liberté de Conscience அமைப்பின் தலைவர் தியெரி வாலே , சர்வதேச சட்டத்தின் கீழ் தலைவர் லீயை (Chairman Lee) காவலில் வைத்திருப்பது சட்டப்பூர்வமானதா என்பது குறித்து உரையாற்றினார்.

தென் கொரியா 1990ஆம் ஆண்டு சிவில் மற்றும் அரசியல் உரிமைகள் தொடர்பான சர்வதேச உடன்படிக்கையையும் (ICCPR), 1995ஆம் ஆண்டு சித்திரவதைக்கு எதிரான உடன்படிக்கையையும் (Convention against Torture) ஏற்றுக்கொண்டதைச் சுட்டிக்காட்டிய அவர், 95 வயதுடைய ஒருவரை விசாரணைக்கு முந்தைய காவலில் வைப்பது (pretrial detention), அந்த சர்வதேசக் கடமைகளுடன் ஒத்துப்போகிறதா என்று கேள்வி எழுப்பினார். குற்றம் நிரூபிக்கப்படும் வரை ஒருவர் குற்றமற்றவர் என்ற அனுமானமே (presumption of innocence), அவர் குற்றவாளி என்ற அனுமானத்தைவிட மேலோங்க வேண்டும் என்று அவர் வலியுறுத்தினார்.

ஜனநாயக நாடுகளில், குற்றமற்றவர் என்ற அனுமானத்தையும் மனித கண்ணியத்தையும் மதிக்கும் வகையில், இதைவிட விகிதாசாரமானதும் மனிதாபிமானமானதுமான மாற்று நடவடிக்கைகள் உள்ளன என்றும் அவர் கூறினார். இதற்கு முன்னுதாரணங்களாக, 2022ஆம் ஆண்டு ஹாங்காங்கில் கார்டினல் ஜோசப் சென் (Cardinal Joseph Zen) பிணையில் விடுவிக்கப்பட்டது, மற்றும் வியட்நாமில் புத்த மதத் தலைவர் திக் குவாங் டோ (Thich Quang Do) சிறையில் அடைக்கப்படுவதற்குப் பதிலாக வீட்டுக் காவலில் வைக்கப்பட்ட சம்பவம் ஆகியவற்றையும் அவர் குறிப்பிட்டார்.

FOREF ஜேர்மனி அமைப்பின் நிர்வாக இயக்குநர் மைக்கேல் லாங்ஹான்ஸ், ஷின்ஷோன்ஜி சபையின் தலைவர் லீயை விசாரணைக்கு முன் காவலில் வைப்பது உண்மையில் அவசியமா என்பது குறித்து சட்டப்பூர்வமான ஆய்வை முன்வைத்தார். ஏற்கனவே குற்றப்பத்திரிகை தாக்கல் செய்வதற்குப் போதுமான ஆதாரங்கள் இருந்த நிலையில், அவரை தொடர்ந்து காவலில் வைப்பது தேவையா என்றும் அவர் கேள்வி எழுப்பினார். மேலும், அந்த ஆதாரங்கள் நடுநிலையான முறையில் சேகரிக்கப்பட்டனவா அல்லது குற்றம் சாட்டப்பட்ட சமூகத்தை “பிரிவு”  அல்லது “வழிபாட்டு குழு”  எனக் குறிப்பிடும் ஒரு குறிப்பிட்ட கண்ணோட்டத்தின் அடிப்படையில் சேகரிக்கப்பட்டனவா என்றும் அவர் கேள்வி எழுப்பினார்.

நியாயமான தேர்தல்களைப் பாதுகாப்பதற்காக உருவாக்கப்பட்ட நடவடிக்கைகள், அரசியலமைப்பாலும் சர்வதேச சட்டத்தாலும் உத்தரவாதம் அளிக்கப்பட்டுள்ள மதச் சுதந்திரத்திற்கான உரிமையை இல்லாமல் செய்யாத வகையில் பயன்படுத்தப்பட முடியுமா என்பது சட்டமியற்றுபவர்களுக்கு முன் நிற்கும் ஒரு பரந்த கேள்வி என்றும் அவர் வாதிட்டார்.

CESNUR அமைப்பின் துணை இயக்குநர் மார்க் நேமஸ் , தொடர்ந்து நடைபெறும் துன்புறுத்தல்களின் விளைவுகள் மற்றும் அவை சிறுபான்மை மதங்களுக்கு ஏற்படுத்தக்கூடிய தாக்கங்கள் குறித்து தனது கருத்துகளைப் பகிர்ந்துகொண்டார். ஐரோப்பா, அர்ஜென்டினா மற்றும் ஆஸ்திரேலியாவில் உள்ள தேர்ந்தெடுக்கப்பட்ட ஷின்ஷோன்ஜி சபைகளில் சமீபத்தில் மேற்கொள்ளப்பட்ட மூன்று கல்விசார் ஆய்வுகளை அவர் குறிப்பிட்டார். அந்த மூன்று ஆய்வுகளும், பொதுவாக அமைதியானதும் ஒத்துழைப்புடன் செயல்படுவதுமான இந்த மத இயக்கத்திற்கு எதிரான விரோதப் போக்கு கவலைக்கிடமாக அதிகரித்திருப்பதை கண்டறிந்ததாக அவர் கூறினார்.

ஷின்ஷோன்ஜி என்பது தென் கொரியாவில் உள்ள ஒரு சிறுபான்மை சபை மட்டுமல்ல; உலகம் முழுவதும் சபைகளைக் கொண்ட ஒரு சர்வதேச மத இயக்கம் என்றும் அவர் வலியுறுத்தினார். தென் கொரியாவில் நடைபெறும் இந்த விகிதாசாரமற்ற துன்புறுத்தல், வெளிநாடுகளில் வாழும் அந்தச் சபை உறுப்பினர்களின் வாழ்க்கையையும் பாதிக்கிறது என்றும் அவர் கூறினார். அவர்களின் மத நம்பிக்கையை வெளிப்படுத்தவும் நடைமுறைப்படுத்தவும் உள்ள சுதந்திரம், ICCPR-ன் 18 மற்றும் 19ஆம் பிரிவுகளில் உறுதிசெய்யப்பட்டுள்ள பிரிக்க முடியாத உரிமைகள் என்பதால், தற்போதைய இந்த நடவடிக்கையின்போது அவற்றையும் கருத்தில் கொள்ள வேண்டும் என்று அவர் வலியுறுத்தினார்.

CESNUR அமைப்பின் நிர்வாக இயக்குநரும் Bitter Winter இதழின் தலைமை ஆசிரியருமான மாசிமோ இன்ட்ரோவின்யே, தலைவர் லீயை கைது செய்ததன் மூலம் தென் கொரியா “கவலைக்கிடமான ஒரு எல்லையைத் தாண்டியுள்ளது” என்று கூறினார். வன்முறையற்ற குற்றச்சாட்டை எதிர்கொள்ளும் 95 வயதுடைய ஒருவரை சிறையில் அடைப்பதற்குப் பதிலாக, Mandela Rules போன்ற சர்வதேச தரநிலைகள் அவரை வீட்டுக் காவலில் வைப்பதையே ஆதரிக்கும் என்று அவர் வாதிட்டார்.

ஒரு மதச் சிறுபான்மையைச் சேர்ந்த உறுப்பினர்கள் மேற்கொண்ட சாதாரண அரசியல் பங்கேற்புடன் தொடர்புடைய குற்றச்சாட்டுகள், “சட்டரீதியாகவும் கருத்தியல் ரீதியாகவும் அளவுக்கு மீறி விரிவுபடுத்தப்பட்டதாகத் தோன்றுகின்றன” என்றும் அவர் கூறினார். மேலும், இந்த வழக்கு நாட்டில் உள்ள சிறுபான்மை மதங்களுக்கு எதிரான அழுத்தத்தின் பரந்த போக்குடன் ஒத்துப்போகிறது என்றும் அவர் எச்சரித்தார்.

இந்த அமைப்புகள், நியாயமான சட்ட நடைமுறை (due process), விகிதாசாரக் கொள்கை (proportionality), மற்றும் அடிப்படை உரிமைகளுக்கான சமமான பாதுகாப்பு ஆகியவற்றை மையமாகக் கொண்டு, இந்த முன்னேற்றங்களை தென் கொரிய அதிகாரிகள், ஊடகங்கள் மற்றும் சர்வதேச சமூகம் மிகுந்த கவனத்துடன் ஆராய வேண்டும் என்று கேட்டுக்கொண்டன. மேலும், தொடர்ந்து செய்தி வெளியிடுவதற்கு ஆதரவாக கூடுதல் ஆவணங்களையும் அவை வழங்கின.

செய்தியாளர் சந்திப்பு முடிவில், அங்கு கலந்துகொண்ட அறிஞர்கள் அனைவரும் கொரியக் குடியரசின் அரசாங்கம் (Government of the Republic of Korea), தலைவர் லீயை உடனடியாக காவலில் இருந்து விடுதலை செய்ய வேண்டும் என்று கோரும் அதிகாரப்பூர்வ கடிதத்தில் கையெழுத்திட்டனர்.