LEAP மன்ற தொடக்க விழா: உலகளாவிய அமைதிக்கான அழைப்பு

2024ஆம் ஆண்டு டிசம்பர் மாதம்  20ஆம் திகதியன்று , பரலோக கலாச்சாரம், உலக அமைதி, ஒளியின் மறுசீரமைப்பு (HWPL), அமைப்பானது சர்வதேச அமைதி இளைஞர் குழு (IPYG), சர்வதேச நீதிபதிகள் கவுன்சில், மனித உரிமைகள் அறக்கட்டளை, மற்றும் அனைத்து ஊடக பத்திரிகை சங்கம் J&K (AMPA) அமைப்புக்களோடு இணைந்து LEAP (அமைதிக்கான நடவடிக்கையில் முன்னணி நிபுணர்கள்) மன்றத்தின் தொடக்க விழாவை ZOOM ஊடாக நடத்தியது.  இந்த நிகழ்வு HWPL அமைதி உச்சிமாநாட்டின் 10வது ஆண்டு நிறைவை நினைவுகூரும் விதமாகவும், நிலையான அமைதிக்காக அர்ப்பணிக்கப்பட்ட ஒரு உலகளாவிய வலையமைப்பை நிறுவவும், 40 நிபுணர்கள் மற்றும் சிவில் சமூக பிரதிநிதிகளை ஈடுபடுத்தவும் முயன்றது.

இந்தியா மற்றும் இலங்கையைச் சேர்ந்த புகழ்பெற்ற நிபுணர்களான பேராசிரியர். ஃபயாஸ் அகமது நிகா, திரு. நாச்சிகேட் அனில் டேவ், திருமதி. இஷாரி குணரத்னா, மற்றும் டாக்டர். விரஞ்சனா ஹெராத் பிராந்திய சவால்களை எதிர்கொள்வது மற்றும் ஒத்துழைப்பை மேம்படுத்துவது குறித்த முன்னோக்குகளை முன்வைத்தனர்.

அரசு சாரா நிறுவனம் மற்றும் சிவில் சமூக அமர்வில் டாக்டர். பி.சி. அச்சன்குஞ்சு மற்றும் ஜெனி கீதிகா ஆகியோர், நிலையான அமைதி கட்டமைப்புகளை உருவாக்குவதில் அரசு சாரா நிறுவனங்கள், நிபுணர்கள் மற்றும் இளைஞர்களிடையே கூட்டாண்மையின் முக்கியத்துவத்தை அடிக்கோடிட்டுக் காட்டினர்.

நிபுணர்களின் பிரகடனம் மூன்று முக்கிய உறுதிமொழிகளை வெளிப்படுத்தியது:

1. அவர்களின் நிபுணத்துவத்தின் மூலம் அமைதி மற்றும் நீதிக்காக வாதிடுதல்.
2. நிலையான தீர்வுகளை வகுத்து செயல்படுத்த சிவில் சமூகத்துடன் இணைந்து பணியாற்றுதல்.
3. உலகளாவிய அளவில் மனித உரிமை மன்றங்களை எளிதாக்குதல்.

"LEAP மன்றம் போன்ற மன்றங்கள் பல்வேறு கண்ணோட்டங்களை ஒன்றிணைத்து, மாற்றத்தை ஏற்படுத்தும் கருத்துக்களை வளர்ப்பதற்கு உகந்த தளத்தை வழங்குகின்றன" என்று டாக்டர்.ஆதிஷ் சி. அகர்வாலா கூறினார். 
" உலகளாவிய மற்றும் உள்ளூர் மோதல்களை ஒருங்கிணைந்த முயற்சிகள் மூலம் நிவர்த்தி செய்வதில் ஒரு முக்கிய முயற்சியாக இந்த நிகழ்வை பேராசிரியர்ஃபயாஸ் அகமது நிகா பாராட்டினார். 

LEAP மன்றங்களை சர்வதேச அளவில் விரிவுபடுத்தவும், அமைதி கலாச்சாரத்தை வளர்க்கவும், உறுதியான ஒத்துழைப்பு மூலம் நிலையான வளர்ச்சியை ஊக்குவிக்கவும் பங்கேற்பாளர்கள் தீர்மானித்தனர்.